You are here

Сұрақ-жауап

  • Сұрақ №: 45545
    Дата: 22.08.2018 17:35:44
    Аты-жөні: Машимова Халуа
    Сұрақ:
    Мемлекеттің басты байлығы - азаматы. Бұл құндылықтың құқығы тапталса, онда қоғамның дамуына кері әсерін тигізері сөзсіз. Мемлекеттік мекемелердің азамат алдыңда міндетін атқармаса, мәселеңізге үңіліп қарамаса, онда тәртіптің сақталмағаны, сенімнің ақталмағаны. Алимент өндіру туралы сот бұйрықтары мен шешімдері ҚР Азаматтық кодесіне сәйкес, дереу орындалуға жатады. Дегенмен билікті өз қолдарына алған жеке сот орындаушылар орындауға асығар емес. Себебі алимент төлемдерін өндіріп алушының пайдасына өндіру жұмыстарын жүргізу жеке сот орындаушыларға ешбір пайда әкелмейді. Қашқын әкенің және жеке сот орындаушының салғырттығынан баламды асырап бағу үшін алимент төлемдерін өндіре алмай жүрген жайым бар. Ақтөбе облысы, Қобда аудандық сотының 2006 жылғы 15 тамыздағы атқару парағына сәйкес, Бишенов Асылхан Бергенбайұлынан Машимова Жадыра Қиылбаеваның пайдасына 2004 жылы туылған Машимов Алдиярды асырап бағу үшін ай сайынғы еңбек ақысынан ¼ бөлігін төлеуге міндетті. Борышкер айлық жалақысы туралы анықтама тапсырмаған жағдайда ҚР «Атқарушылық іс жүргізу және сот орындаушылардың мәртебесі туралы» (Әрі қарай- Заң) Заңның 99 бабына сәйкес, Республикалық орташа айлық жалақы есептелінеді. Статистика агенттігінің сайтында, Республикалық орташа айлық жалақы мөлшері: 2017 жылдың 1 тоқсанына 140 265 теңге; 2017 жылдың 2 тоқсанына 149 951 теңге; 2017 жылдың 3 тоқсанына 147 988 теңге; 2017 жылдың 4 тоқсанына 163 725 теңге. 2018 жылдың 1 тоқсаны 152 442 т 2018 жылдың 2 тоқсаны 163 725 тенге болып белгіленген. Бұл жағдайдан кейін мемлекеттік органға деген сеніміміз жоғалып, халықтың билікке деген үмітінің өшері сөзсіз. Жеке сот орындаушылардың жүмысының өте төмен жағдайда екені осыдан көрініп тұр. Құрметті, Прокурор мырза кәмелетке толмаған баламды бағу үшін төленетін алимент мөлшерін қайта есептеліп, заң аясында қарыз сомманы және ай сайын өндірілуіне көмек беруіңізді сұраймын. Сонымен қатар, арызымның толық орындалуына қадағалау жасауыңызды және жеке сот орындаушылардың жауапкершілігін қадағалуыңызды өтініп сұраймын.
    Жауап күні:
    23 тамыз, 2018 - 20:38
    Жауап:
    Х.К. Машимоваға Құрметті Халуа Камзиевна! Сұрағыңызды блогқа орналастыру кезінде, Сізбен пайдаланушының келісім шарттары сақталынбаған. Сізге, қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы өтініштер Қазақстан Республикасының прокуратура органдарына төмендегідей негіздер бойынша қабылданатындығына назарыңызды аударамыз: - қолма-қол тапсыру, - пошта арқылы жолдау, - электронды порталына жіберу. Электронды порталына өтініш жіберу үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алу қажет. Жоғарыдағылардың негізінде, Сізге заң нормаларына түсіндірме алу үшін Ақтөбе облысының прокуратурасына өтініш жазып, қолма-қол немесе пошта, сондай-ақ электронды порталы арқылы жолдау қажеттілігі түсіндіріледі. Осымен қатар, сұрағыңызбен атқарушылық құжаттардың орындалуын қамтамасыз ету саласындағы мемлекеттік саясатты іске асыруды және осы саладағы қызметті мемлекеттік реттеуді жүзеге асыратын уәкілетті мемлекеттік орган – Ақтөбе облысының Әділет департаментіне хабарласуыңызға болады. Ақтөбе облысы прокурорының орынбасары Ғ. Тілеубаев орын. Еренов Е. тел. 90 14 54
  • Сұрақ №: 43185
    Дата: 28.05.2018 10:22:07
    Аты-жөні: Муратов Баубек
    Сұрақ:
    Ө Т І Н І Ш Х А Т ҚР ҚПК-нің 71, 99, 297 баптарына сәйкес. 02.04.2018 жылы мен және менің қорғаушым осы қылмыстық іс бойынша күдікті А.С.Жармухановтың жанында қылмыс жасаған кезінде болған, көмектескен Аманжол Райымбек, Мағауия Алпамыс, Насан Айдос, Ажібаев Мейіржандарға ҚР ҚК-нің 432 және 434 баптарымен қылмыстық іс қозғау жөнінде өтінішхат жолдағанбыз. Алайда күні бүгінгі күнге дейін бүкіл заң талаптарына қарама қайшы келетіндей я прокурордан, я тергеушіден бір ауыз жауап келмеді. Мен әйеліммен ер жетіп қалған ұлымның біреулердің қолынан қайтыс болғанына қайғырып, жан азабын шегіп, аһ ұрып ес түсімнен айрылып қалдым. Шешем де қайғыдан қабырғасы қайысып қатты ауырып, есінен танып қалды. Енді міне мен және жақын туыстарым баламды жерлеп болып, жоралғыларын жасап естерімізді жаңа жинап жатырмыз. Анықтағанымыз менің баламды өлтірген Жармуханов Аманаттың қасында қылмысқы дейін де, қылмыс кезінде де, қылмыс жасап болғаннан кейін де жақын достары Аманжол Райымбек, Мағауия Алпамыс, Насан Айдос, Ажібаев Мейіржан атты балдар болған. Осы төртеуі Аманжол Райымбектің «БМВ» автокөлігінде жүріп Жармұхан Аманаттың менің балам Таку Нұрбекпен шатасқанын, одан менің баламды қасақана өлтіру үшін телефонмен жанындағы жүрген балдарға хабарласып, менің баламның отырмақта отырған жерін біліп, үйінен мылтық алып шыққанын, мылтық алып шығатынын қасындағы Алпамыс Мағауия, Аманжол Райымбек, Мейіржан Әжібаевтарды ескерткен, одан өз жөнімен үйде жүрген менің баламды мылтығымен аспанға оқ атып, сыртқа шақырып алып, қасақана екі рет мылтықпен атқанын қасында тұрып толық көрген, сол кезде Жармуханов Аманаттың қасында болған, қылмыскердің қолындағы мылтығын төртеулеп тартып алмаған, қой деп кұш қолданса да қойдырмаған, құрығанда анық өз көздерімен көріп, болған қылмысты жасырып қалып отыр. Бұдан бөлек күдікті А.С.Жармұханов өзінің күдікті ретінде берген жауабында мылтығын үйінен алып шыққанда Алпамыс Мағауия мен Аманжол Райымбектің көргенін және бөлшектелген мылтықты автокөліктің ішінде жинағанын да көргенін, Аманжол Райымбектің мылтықты неге алып шықтың деген сұрағына «Нұрбекке қарай бар оны мылтықпен қорқытам» деп айтқанын, бұның қалай Нұрбекті мылтықпен атқанын олардың көргенін, Аманжол Райымбектің атокөлігімен қылмыс жасап болғасын қылмыс орнынан қашып кеткенін көрсетіп отыр. Одан да сорақысы Насан Айдостың Жармуханов Аманатпен бірге қылмыс құралы мылтықтың уақиғадан кейін қарға шашылып қалған 8 патрондарын қолындағы телефонның жарығын түсіріп қараңғыда жинасқаны, телефонның жарығын қосқанда асығытықпен А.Насан мен А.Жармухановтың патрондарды асығыс іздеп жүргендегі араларында болған диалогтың телефонына толық жазылып қалғаны (іс бойынша бұл айғақ зат телефон алынып ішіндегі аталған екеуінің арасындағы диалог та зерттелген), одан әрі қылмыс құралы мылтықты А.Насанның күдікті А.Жармухановқа жасырысқаны, жасырған жері А.Насанның нағашы апасы, сол ауылдың мектеп директоры Бегимова Раяның ауласында үюлі шөптің арасы екені тергеу кезінде толық анықталып дәлелденген. Насан Айдос сол уақиға болған күні менің ұлым Нұрбектің көшедегі А.С.Жармухановпен сөзге келіспеушіліктен кейін, ұлымның қасына еріп отырмаққа барады, менің ұлымның я жолдасы, я құрдасы болмай тұра. Ол А.С.Жармухановтың жанында жүрген жақын жолдасы, яғни Нұрбектің қасында тыңшы ретінде жүрген. Яғни Айдос Насан Жармуханов Аманаттың адам өлтірген аса ауыр қылмысының ізін жасыруға қолынан келгенінің бәрін істеп көмектескен. Бұдан әрі күдікті А.Жармуханов оқталған мылтығын уақиға орнында Райымбек Аманжол мен Алпамыс Мағауияға кезеп «тоқтаңдар, кетпеңдер» дегені де толық анықталған, осы екі «куәсымақтар» толық растаған. Бұл айдан анық, анықталған дәлелдемелердің бәрін қайда тығып қоямыз ? Бәріне де көзімізді жұмамыз ба, я жабулы қазанның астында қала ма ? Олардың бұл іс әрекеттері ҚР ҚК-нің 99 бабындағы қылмыс болмаса да, ҚР ҚК-нің 432 бабындағы қылмыс екені анық көрініп тұр. Жармуханов Аманаттың қасында тұрып, үйінен адам өлтіру үшін мылтық алып шығып қылмысты жасауға дайындалып жатқанын, адам өлтіріп, қылмыстың жасалғанын өз көздерімен көрген Аманжол Райымбек, Мағауия Алпамыс, Насан Айдос, Ажібаев Мейіржан уәкілетті адамдарға, органға хабарламай, уақиға болған жерден қашып кетіп отыр. Бұдан басқа менің баламды атып өлтірген қылмыстық іс бойынша айғақ зат, атыс қаруы - мылтық қылмыскер А.С.Жармуханов пен Насан Айдос екеуі тығып қойған жері мектеп директоры Бегимова Раяның үйінің ауласындағы үюлі шөптің арасынан шығып отыр. Бұдан бөлек іс бойынша анықталғаны, Насан Айдос жасалған қылмыстан кейін өзінің досы А.С.Жармухановты ертіп сол ауылдың «сыйлысы», 10 жыл түрмеде отырып шыққан Құрманов Ерболдан «ақыл» сұрап барады. Е.Құрмановтың көрсетуінше Насан Айдостың түрі қашып кеткен, аяқ қолы қалтырап болған уақиғаны айтып, Е.Құрмановтан «ақыл» сұрайды. Ал Насан Айдостың бұл іс әрекетіне қандай заңды баға беруге болады. Олардың бұл іс әрекеттері ҚР ҚК-нің 434 бабымен дәрежеленуі тиіс. Ол еш жерде заңды түрде тіркелмеген мылтықтың қылмыскердің атасы Жармуханов Николайға тиісті екенін бүкіл ауыл біледі. Оны учакелік полиция инспекторы Абылай Тажин де біледі. Неге заңсыз сақталған қаруды учакелік полиция инпекторы тартып алмаған. Егер заңсыз мылтықты полиция қызметкерлері алып қойса, менің баламды қылмыскер атпаған болар ма еді, тірі болар ма еді? Бәрінен де сорақысы, ауыл жұртының айтуынша қылмыскер Жармуханов Аманат «Таку Нұрбек мені шапалақпен бір рет ұрып жіберді, сондықтан үйімнен мылтығымды алып келіп Нұрбекті атып өлтірдім» дейтін құсайды. Уақиға орнында болған жандардың бәрімен уақиға қалай болғандығы жөнінде сұрағанда олар менің баламның Аманатты шапалақпен ұрғанын растамайды, ондай болмағанын айтады. Менің балам қыбырлаған құмырсқаға зины жоқ жан. Бұдан бөлек сотқа дейінгі тергеп тексеру кезінде тергеу органдарыны А.С.Жармуханов қылмыс жасағанда, мылтығымен бірінші менің баламның көкірегінен атқан, одан жерге құлаған баламның аяғынан атқан қылып қойыпты. Бұл уәжі істің мән жайына сәйкес келмейді. Себебі менің балам Нұрбек қылмыскерлерден едәуір биік және ірі салмақты. Сондықтан А.С.Жармуханов менің балама әлі келмейтінін біліп бірінші аяғынан атып жерге құлатқан, содан кейін құлап жатқан баламның қарсылық көрсете алмайтынына көзі жетіп көкірегінен атқан. Жолдас прокурор, Сізді ҚР-да әділ Заңымыздың қорғаушысы ретінде білеміз, мына заңсыздыққа өзіңіз араласыңыз, мына Аманжол Райымбек, Мағауия Алпамыс, Насан Айдос, Ажібаев Мейіржандарға ҚР ҚК-нің 432 және 434 баптарымен қылмыстық іс қозғаңыз. Кінәлі адамдар тиісті жазасын алсын. Қылмыскерлерді жауапкершіліктен алып қашып, жауапкершіліктен босатқысы келіп отырғандарға да қатаң шара алыңыз, өздерін қылмыстық жауапкершілікке тартуыңызды сұраймын. Азамат болып тұрған баламды өлтірді, соның аруағы үшін мен ешкімді аямаймын. Өтінішіміз мына Аманжол Райымбек, Мағауия Алпамыс, Насан Айдос, Ажібаев Мейіржандарға ҚР ҚК-нің 432 және 434 баптарымен қылмыстық іс қозғаңыз. Кінәлі адамдар тиісті жазасын алсын.
    Жауап күні:
    7 маусым, 2018 - 15:45
    Жауап:
    Б.Т.Муратовқа Ақсай ауылы Темір ауданы, 030804 М.Е.Байжановқа Ақтөбе облыстық адвокаттар алқасының адвокаты, 030000 Құрметті Баубек Такуович және Мурат Ережепұлы! Қазақстан Республикасының Қылмыстық-процестік Кодексінің 105 бабына сәйкес, арыздарыңызды қанағаттандырудан бас тарту туралы қаулы жолданады. Қосымша: қаулы 3 бетте. Темір ауданының прокуроры әділет кеңесшісіА.Әбіләкім орын:Е.С.Алдияров тел. 71346-21-2-03 БЕКІТЕМІН Темір ауданының прокуроры әділет кеңесшісі _______________А.Б.Әбіләкім « » маусым 2018 жыл ҚАУЛЫ арызды қанағаттандырудан бас тарту туралы Шұбарқұдық кенті « ».06.2018 жыл Темір ауданы прокурорының орынбасары Е.С.Алдияров, Ақсай ауылының тұрғыны Б.Т.Муратовтың және оның қорғаушысы М.Е.Байжановтың №181556031000055 санды қылмыстық іс бойынша объективті тергеу амалдарының жүргізілуін қамтамасыз ету жөніндегі арызын қарап, АНЫҚТАҒАНЫ: 29.05.2018 жылы аудандық прокуратураға жәбірленуші Б.Т.Муратовтың және оның қорғаушысы М.Е.Байжановтың Қазақстан Республикасы Қылмыстық Кодексінің 99 бабы 1 бөлігімен \№181556031000055 санымен күдікті А.Жармухановқа қатысты тіркелген қылмыстық іс бойынша, куәлар Р.Аманжол, А.Мағауия, А.Насан және М.Ажібаевты қылмысты жасыру және орын алған аса ауыр қылмыс туралы құқыққорғау органдарына хабарламау дерегі бойынша қылмыстық жауапкершілікке тарту туралы арызы түсті. Іс құжаттарына сай, 09.03.2018 жылы Темір ауданы Ақсай ауылының тұрғыны Н.Б.Таку оқ тиген дене жарақатынан қаза болған. Аталған дерек, 09.03.2018 жылы №181556031000055 санымен Темір аудандық ішкі істер бөлімінің сотқа дейінгі тергеп-тексерудің бірыңғай тізіліміне Қазақстан Республикасы Қылмыстық Кодексінің 99 бабы 1 бөлігімен енгізіліп, тергеу басталған. Тергеу барысында күдікті ретінде сол ауылдың тұрғыны А.С.Жармуханов анықталып, оған қатысты сотпен «күзетпен ұстау» түріндегі бұлтарпау шарасы қолдануға санкция берілген. Іс бойынша сотқа дейінгі тергеп-тексеру амалдары аяқталып, 28.05.2018 жылы аудандық прокуратураға айыптау актісімен түскен. Іс құжаттарын зерттеумен анықталғандай, сотқа дейінгі тергеп-тексеру барысында қылмыстық қудалау органымен Қазақстан Республикасы Қылмыстық-процестік кодексінің 24 бабының талаптары толықтай сақталған. Яғни, тергеушiмен iстi дұрыс шешуге қажеттi және жеткiлiктi мән-жайларды жан-жақты, толық және объективтi зерттеу үшiн заңда көзделген барлық шаралар қабылданған. Тергеумен, іс бойынша куәлер Р.Аманжол, А.Мағауия, А.Насан және М.Ажібаевты қылмысты жасыру және орын алған аса ауыр қылмыс туралы құқыққорғау органдарына хабарламау дерегі бойынша қылмыстық жауапкершілікке тартуға жеткілікті негіздер анықталмаған. Сотқа дейінгі тергеп-тексеру барысында жинақталған дәлелдемелермен аталған куәлардың кінәсі расталмайды. Қазіргі уақытта, қылмыстық істі қосымша тергеуге жолдауға негіздер анықталған жоқ. Жоғарыдағылардың негізінде, Қазақстан Республикасы Қылмыстық процестік кодексінің 105 және 193 баптарын басшылыққа ала отырып, ҚАУЛЫ ЕТТІМ: 1. Жәбірленуші Б.Т.Муратовтың және қорғаушы М.Е.Байжановтың арызын қанғаттандырудан бас тартуды. 2. Қаулыға жоғары тұрған прокурорға Қазақстан Республикасы Қылмыстық процестік кодексінің 105 бабы және сотқа Қазақстан Республикасы Қылмыстық процестік кодексінің 106 баптарының тәртібінде шағым келтіруге болатынын түсіндіруді. 4. Қаулыны №181556031000055 санды қылмыстық іске тіркеуді. 5. Қабылданған шешім жөнінде мүдделі тұлғаларға хабарлауға. Темір ауданы прокурорының орынбасары Е.С.Алдияров
  • Сұрақ №: 41928
    Дата: 11.04.2018 13:46:30
    Аты-жөні: Қалиева Айгүл
    Сұрақ:
    Сәлеметсіздерме! Менің сұрағым былай болып тұр бір кісіге кредит алып беремін 200 мың тг көлемінде 6 айға, енді ай сайын 39,000 тг төлеу керек болатын кісі тек қана 26мыңын ғана төледі одан кейін төлемей жүр қашып,оның кредитін өзім төлеп жүрмін енді 4 баламның несібесін жырып сол кредитті төлеп жүрмін хабарлассам телефон көтермейді ол кісінің үстінен арыз жазбақшы едім ол кісі мойындайды кредит алғандығы жөнінде, оған қандай шара қолдануға болады
    Жауап күні:
    17 сәуiр, 2018 - 19:37
    Жауап:
    А.Ә. Қалиеваға (Қазақстан Республикасы Бас Прокурорының блогы) Құрметті Айгүл Әлиқызы! Сұрағыңызды блогқа орналастыру кезінде, Сізбен пайдаланушының келісім шарттары сақталынбаған. Сізге, қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы өтініштер Қазақстан Республикасының прокуратура органдарына төмендегідей негіздер бойынша қабылданатындығына назарыңызды аударамыз. - қолма-қол тапсыру; - пошта арқылы жолдау; - www.115.kz электронды порталына жіберу. www.115.kz электронды порталына өтініш жіберу үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алу қажет. Жоғарыдағылардың негізінде, Сізге заң нормаларына түсіндірме алу үшін Ақтөбе қалалық прокуратурасына өтініш жазып, қолма-қол немесе пошта, сондай-ақ www.115.kz электронды порталы арқылы жолдау қажеттілігі түсіндіріледі. Ақтөбе қаласының прокуроры әділет кеңесшісі Р. Салкенов Орын.: Н.Мулькаев Тел.: 8 (7132) 21-09-05
  • Сұрақ №: 40094
    Дата: 15.02.2018 00:29:12
    Аты-жөні: Магзам Муратхан
    Сұрақ:
    Салеметсыздерма сыздерге койар сурагым Актобе каласында Куаныш Асылжанулынын жетекшылыгымен ашылган unnnity кампаниясы казыргы уакытта алаяктык жолмен каржылык пирамида курды деп аиып тагылып исы сотта каралуда. Менде сол алаяктык арбауга тусып 12.07.2017 жыл Каз-ком банк аркылы 350000тг (уш жуз елу мын)тг салган улескердын брымын.Ешкандай пайда таппадым акша салганнан кеин 1 айдан сон бул кампания жаблып ар турлы сылтаулар аитып сонында сот болып жатканын естыдык. 2017ж сонында колдагы далелдерымды пайдалана отырып unnnity кампаниясы жане Куаныш Асылжанулынын устынен арыз берып акшамды кайтаруын талап еттым.Сураиын дегеным осы сот барсын калай отып жатканын жане улескерлердын салган акшаларымыз каитарылама сонын аныгын блеин дегем. Актобе прокуратурасы осы маселеге адил шешим шгарып Республика бойынша мен сиакты мындаган зардап шегушылердын умытын актап акшаларымызды каитарып береды деп сенемыз иншалла.
    Жауап күні:
    2 наурыз, 2018 - 17:34
    Жауап:
    Магзам Муратхан Құрметті Магзам Муратхан! Сұрағыңызды блогқа орналастыру кезінде Сізбен Пайдаланушының келісім шарттары сақталынбаған. Қылмыстық, азаматтық және әкімшілік істер бойынша, сондай-ақ тексеру жүргізу, прокурорлық ықпал ету шараларын қолдану, заң нормаларын түсіндіру туралы өтініштер Қазақстан Республикасының прокуратура органдарына келесі тәртіппен жолданады: - арнайы әкеліп тапсыру; - пошта арқылы жолдау; - www.115.kz электронды порталына жіберу. www.115.kz электронды порталына өтініш жіберу үшін Халыққа қызмет көрсету орталығынан (ХҚКО) электронды сандық қолтаңба (ЭСҚ) алу қажет. Ақтөбе қаласының прокуроры Р. Салкенов Орын.: Қабдышева Ж.Е. Тел.: 8 (7132) 21-29-10
  • Сұрақ №: 39369
    Дата: 24.01.2018 16:36:22
    Аты-жөні: Куттыбаев Куандык
    Сұрақ:
    Куттыбаев Акимжан Джилкибаевич 18 лет не платил Алименты что делать?
    Жауап күні:
    25 қаңтар, 2018 - 18:45
    Жауап:
    Уважаемый пользователь блога! При размещении вопроса на блог Вами не соблюдены условия Пользовательского соглашения. Обращаем Ваше внимание, что обращения, касающиеся уголовных, гражданских или административных дел, а также о проведении проверок, принятии мер прокурорского реагирования, разъяснении норм законодательства подаются в органы прокуратуры Республики Казахстан: - нарочно; - через почтовую связь; - на электронный портал www.115.kz Для отправки обращения на электронный портал www.115.kz необходимо иметь электронную цифровую подпись (ЭЦП), которую можно получить в Центре обслуживания населения (ЦОН). Прокуратура города Актобе

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.